Бишкекте Абдрахманов көчөсүнүн дагы бир бөлүгү ачылды

Бүгүн, 24-июлда Бишкектеги Жусуп Абдрахманов көчөсүнүн Москва көчөсүнөн Чүй кең көчөсүнө чейинки бөлүгү ачылды. Бул тууралуу шаардык мэриядан билдирди.

Ага ылайык, №42, №55, №100, №145, №152, №169, №226 автобус каттамдарынын кыймыл чиймелери өзгөрдү.

"Жусуп Абдрахманов көчөсүнүн Чүй кең көчөсүнөн Жибек Жолуна чейинки бөлүгүндө эски асфальтты сыйруу, бордюр орнотуу жана асфальт басууга даярдык жумуштары жүрүп жатат", - деп жазылат анда.