Жо Байден президенттик жарыштан баш тартуусунун себебин айтты

АКШнын президенти Жо Байден коомчулукка кайрылып, жаңы муунга өлкөнү башкарууга мүмкүнчүлүк берүү максатында кийинки мөөнөткө шайлоого баруудан баш тартканын айтты. Бул тууралуу чет элдик басылмалар билдирди.

Маалымдалгандай, "дүйнө жүзүнө жасаган эмгеги жана лидерлиги" үчүн ал өзүн экинчи мөөнөткө татыктуу деп эсептейт, бирок демократиянын жыргалчылыгы үчүн өз амбицияларын курмандыкка чалууну чечкен. Байден Харристи колдой турганын айтып, америкалыктарды туура тандоо жасоого үндөдү.

Ошондой эле ал президенттик мөөнөтүн аягына чыгарууга ниеттенип жатканын баса белгилеген.