Бишкектеги окуу жайларда сабактар мындан ары саат 10:00дөн кийин башталат

Мындан ары Бишкектеги жогорку окуу жайларда, кесиптик лицейлерде жана колледждерде сабактар 10:00дөн кийин башталса, ал эми мектептердеги сабактар саат 8:00гө чейин башталат. Бул тууралуу бүгүн, 25-июлда Министрлер кабинетинин басма сөз кызматынан билдирди.

Маалыматка ылайык, тиешелүү токтомго министрлер кабинетинин төрагасы Акылбек Жапаров кол койду.

Мындай чечим шаардагы жол тыгынды жоюу максатында кабыл алынган.

Токтом расмий жарыяланган күндөн тартып он беш күн өткөндөн кийин күчүнө кирет.