Чүйдө мурда соттолгон жаран уурулукка шектелип кармалды

Чүй облусунун Жайыл районунда мурун соттолгон жаран уурулукка шектелип кармалды. Бул тууралуу бүгүн, 25-июлда облустук милициядан билдирди.

Маалыматка ылайык, 24-июлда милицияга тургун арыз менен кайрылган. Анда ал саат 11:30 чамасында Новониколаевка айылында белгисиз жаран дүкөнүнөн Редми үлгүсүндөгү телефонун уурдап кеткенин айткан.

Аталган факты Кылмыш-жаза кодексинин 205-беренеси (Уурдоо) менен каттоого алынган.

Шектүү катары 1991-жылы туулган О.Э. кармалып, убактылуу кармоочу жайга киргизилген. Тергөөдө анын мурда Свердлов райондук соту тарабынан пробацияга чыгарылганы аныкталган.

Ушул тапта тергөө иштери уланууда.