Сокулукта 15 жаштагы Амина дүкөнгө кеткен бойдон дайынсыз жоголду

Чүй облусунун Сокулук районунда 15 жаштагы Амина Поскребышова изделүүдө. Бул тууралуу облустук милициядан билдиришти.

Маалыматка ылайык, 5-июлда милицияга Т.А. аттуу жаран арыз менен кайрылган. Анда ал 2009-жылы туулган небереси саат 19:00дөр чамасында дүкөнгө чыгып кеткен бойдон кайрылып келбегенинин айткан.

Белгилери: бою 150-160 сантиметр, арык чырай, чачы узун кара түстө.

Кийген кийими: кызгылт түстөгү көйнөк, бутунда ак түстөгү слансы.

Милиция жогорудагы кызды көргөн-билгендер болсо 0313 45-33-80, 0312-60-75-67 (нөөмөт бөлүмү), 0708-18-46-57 номерлерине кайрылууну суранат.