Бишкек шаарынын район аралык соту "Кумтөрдүн" өтүнүчүн сот канааттандырган жок

Бишкек шаарынын район аралык соту "Кумтөр оперейтинг" компаниясынын өтүнүчүн канааттандыруудан баш тартты. Бул тууралуу бүгүн, 25-декабрда Айлана-чөйрөнү коргоо жана токой чарба агенттигинен кабарлашты. Маалыматка ылайык, аталган мекеме 2013-жылдын 9-декабрында "Кумтөрдөн" экологияга зыян келтиргени үчүн деп компенсация талап кылып сотко кайрылган. Бирок "Кумтөр" буга каршылык билдирип, соттук териштирүүнү токтотууну өтүнгөн. Сот бул өтүнүчтү канааттандырбай койду.