Сууга түшкөн балдар кубанып... Бишкекте дагы бир эс алуу аймагынын ачылышы болду (сүрөт)

Бишкектеги Комсомол көлүндө сууга түшүү сезону жана Кара-Жыгач токоюндагы эс алуу аймагынын ачылышы болду. Бул тууралуу бүгүн, 30-июлда калаа мэриясы билдирип, сүрөттөр менен бөлүштү.

Маалыматта айтылгандай, иш-чарада асфальтка сүрөт тартуу боюнча мастер-класстар уюштурулуп, концерттик программа даярдалган.

Ошондой эле сынактар, викторина жана оюн-зоок программасы тартууланды. Мындан тышкары спорттук мелдештер (стол тенниси, футбол, пионербол, балдар үчүн жеңил атлетика, эстафета, аркан тартыш, таяк тартыш) өткөрүлдү.

Токойдун аймагында батут жана фудкорт аянтчалары орнотулду.