Орусия жаңы жарандык алгандар үчүн аскердик кызматтын мөөнөтүн көбөйтүүнү сунуштоодо

Орусиянын Мамлекеттик Думасы орус жарандыгын алган эркектердин армияда кызмат өтөө мөөнөтүн эки жылга чейин узартууну каалайт. Бул тууралуу парламенттин төмөнкү палатасынын сайтында маалымдалды.

Ошондой эле депутаттар өлкөнүн жаңы жарандары үчүн аскерге чакыруу курагын көтөрүүнү каалап жатышат. Дума тиешелүү түзөтүүлөрдү жазгы сессия аяктаганга чейин, башкача айтканда, 5-августка чейин кабыл алууну пландаштырууда.

Кошумчалай кетсек, Мамлекеттик Думанын спикери Вячеслав Володин Орусиянын жарандыгына кабыл алуунун шарты катары аскердик каттоого алууну сунуштады. Бул Орусиянын жараны катары паспорт алуу менен бир убакта болот деп болжолдонууда.

Буга чейин Орусиянын Тергөө комитетинин башчысы Александр Бастрыкин Орусияда жакында жарандык алган, бирок аскердик каттоого турбаган 30 миңден ашуун мигрант аныкталганын билдирген. Алардын баары мажбурлап каттоодон өткөн. Бастрыкиндин айтымында, алардын 10 миңге жакыны Түндүк аскер округунун аймагына жөнөтүлгөн.