Эдил Байсалов Орусия мигранттар боюнча сунуштаган мыйзамга комментарий берди

Министрлер кабинетинин төрагасынын орун басары Эдил Байсалов өзүнүн X социалдык түйүнүндө Орусияда мигранттарга чектөөлөрдү киргизүү тууралуу сунушталып жаткан мыйзамдын кыргызстандыктарга таасир этпеши керектигин белгиледи.

"ЕАЭБдин негизги принциптерине ылайык, биздин жарандар эмгек рыногунда эркин жана тең укукка ээ. Эгер башкача чечмелөөлөр жана биздин жарандарды үчүнчү өлкөлөрдөн барган мигранттарга теңештирүүлөр болсо, анда элибизге ЕАЭБге мүчө болуунун маанисин түшүндүрүү биз үчүн өтө оор болот", - деп жазган ал.

Белгилей кетсек, Орусиянын Мамлекеттик Думасына медицина, билим берүү жаатында жана жеткизип берүү кызматтарында эмгектенген мигранттардын айлык акысы 100 миң рублдан ашса, иштөөгө бөгөт коюу боюнча сунуш киргизилген.