Талас милициясы кой кайтарган кичинекей бала боюнча билдирүү таратты

Социалдык тармактарда тараган кой кайтарып жүргөн бала боюнча Айтматов райондук милиция бөлүмүнүн ыкчам тергөө тобу жерине барган. Балага карата жасалган мамиле боюнча териштирүү иштери жүрүп жатат. Бул туурасында бүгүн, 2-августта Талас ОИИБинин басма сөз кызматы билдирди.

Маалымдалгандай, кой кайтарып жүргөн бала 2014-жылы туулган. Ал Арчагул айылындагы мектепте окуйт.

“Арчагул айылынан болжол менен 20-25 чакырым алыстыктагы мал сарайда кой кайтарып жүргөн бала таенеси менен кошо жашайт. Окуяга катыштыгы бар жарандар, анын ичинде видеого тарткан жаран дагы райондук милицияга алынып келинди. Кошумча маалымат берилет”, - деп белгиленген маалыматта.

Белгилей кетсек, Казакстан менен чектеш талаада жалгыз кой кайтарган баланын видеосу социалдык баракчаларга тарап, кароосуз калгандыгы айтылган эле.