Бишкекте жарандын 30 миң долларын алдап кеткен шектүү кармалды

Бишкекте алдамчылыкка шектелип 24 жаштагы жаран кармалды. Бул тууралуу бүгүн, 2-августта Биринчи май РИИБинен билдирди.

Маалыматка ылайык, былтыр 16-июнда милиция Э.К. аттуу жаран арыз менен кайрылган. Ал 6-апрель күнү Горький жана Панфилов көчөлөрүнүн кесилишинен А. аттуу жаран батир сатуу шылтоосу менен ишенимине кирип, 30 миң долларын алган боюнча из жашырып кеткенин айткан.

Бул факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон.

Шектүү катары 2000-жылы туулган К.у.А. аттуу жаран кармалып, убактылуу кармоочу жайга киргизилген.

Милиция учурда кармалган адамдын ушул сыяктуу кылмыш фактыларын жасоого катыштыгы бар экендиги текшерилип жатканын кошумчалады.