Сузак округунан депутаттыкка талапкерлердин саны 7ге жетти  

№13 Сузак бир мандаттуу округунан Жогорку Кеңештин депутатын мөөнөтүнөн мурда шайлоого катыша турган талапкерлердин саны жетиге жетти. Бул тууралуу Борбордук шайлоо комиссиясынан кабарлашты.

5-августка карата БШКга арыз менен кайрылган талапкерлердин тизмеси:

1) Алтынбек Кылычбаев;

2) Санжарбек Энназаров;

3) Нурдин Эрматов;

4) Манас Максутов;

5) Бейшенбек Бегматов;

6) Жыргалбек Сейдахматов;

7) Мелисбек Кошалиев.

№13 Сузак бир мандаттуу шайлоо округу боюнча депутаттыкка талапкерлерди көрсөтүү 22-августта аяктайт. Ал эми шайлоо 22-сентябрда өтөт.

Белгилей кетсек, Сузак шайлоо округунан Жогорку Кеңешке шайланып келген депутат Тазабек Икрамов 19-июлда мандатын өз арызы менен тапшырган. Ошол эле күнү Боршайком анын арызын карап, мандатынан ажыраткан.