Олимпиада-2024: Бүгүн 4 кыргызстандык балбан килемге чыгат

Бүгүн, 6-августта кыргызстандык балбандар Акжол Махмудов, Үзүр Жусупбеков, Жоламан Шаршенбеков жана Мээрим Жуманазаровалар мелдешке чыгат.

Грек-рим күрөшүнөн 77 килограммга чейинки салмакта Акжол Махмудов 1/8 финалда АКШ балбаны Камал Амир Бей менен күч сынашат. Ал эми 97 килограммга чейинки салмакта Үзүр Жусупбеков 1/8 финалда литвалык Миндаугас Венкайтис менен таймашат.

Бул беттештер Бишкек убактысы боюнча саат 15:00дө башталат. Жарым финалдык беттештер саат 22:15те болот. Анын артынан коло байге үчүн финалдык беттештер өтөт.

Анда грек-рим күрөшүнөн 60 килограмм салмакта Жоламан Шаршенбеков килемге чыгат. Ал коло байге үчүн күрөшөт.

Андан соң кыргыз балбан кызы Мээрим Жуманазарова финалдык беттеште АКШ балбаны Эмит Элор менен алтын медал үчүн күч сынашат.