Кыргызстан менен Беларустун парламенттер аралык кызматташтыгы талкууланды

Кыргызстандын Беларустагы элчиси Эрбол Султанбаев Беларустун Улуттук Жыйынынын Республика кеңешинин Эл аралык иштер жана улуттук коопсуздук боюнча туруктуу комиссиясынын төрагасы Сергей Алейник менен жолугушту. Бул тууралуу кечээ, 5-августта Элчиликтен билдиришти.

Маалыматка ылайык, жолугушууда Кыргызстан менен Беларустун парламенттер аралык өз ара кызматташуусунун артыкчылыктуу багыттары, соода-экономикалык жана маданий-гуманитардык чөйрөлөрдө кызматташуу маселелери талкууланды.

Мындан тышкары эки тараптуу мамилелердин бардык спектрин бекемдөө боюнча биргелешкен ишти улантууга өз ара даярдыктар билдирилди.