Париж-2024: Акжол Махмудов алгачкы атаандашын жеңди

Бүгүн, 6-августта Париж шаарында өтүп жаткан Жайкы Олимпиада оюндарында күрөш боюнча мелдештердин экинчи күндүк беттештери башталды.

Бүгүнкү мелдеште кыргыз балбаны Акжол Махмудов дагы килемге чыкты. Ал 1/8 финалда америкалык Камал Бей аттуу балбан менен кез келди.

Биринчи бөлүктө калыстар Акжолдун атаандашын партерге койду. Андан Акжол Махмудов упай ала алган жок.

Экинчи бөлүктө Акжол Махмудов атаандашын килемден эки жолу түртүп чыгарып, дагы 2 упай алды, эсеп 3:0.

Калыстар Камал Бей пассивдүү күрөшкөнү үчүн аны дагы партерге коюп, Акжолго 1 упай беришти. Партерден Акжол Махмудов упай ала алган жок.

Жыйынтыгында жалпы эсеп 4:1 болуп, Акжол Махмудов чейрек финалга жолдомо алды.

Чейрек финалда Акжол Махмдов коңшу казакстандык Демеу Жадраев менен кез келет.