Акжол Махмудов чейрек финалда казак балбанына жеңилип калды

Париж шаарында өтүп жаткан Жайкы Олимпиада оюндарында кыргыз балбаны Акжол Махмудов жеңилүү ызасын тартып калды.

Ал чейрек финалда казакстандык Демеу Жадраев менен кез келди.

Акжол биринчи бөлүктө партер иштеп таап, андан 6 упай алган. Бирок калыстар ыкма жасаарда буту менен кысып койгон деп, иштеп тапкан упайлардын баарын кайра алышты.

Биринчи бөлүк ошону менен 1:0 эсебинде аяктады.

Экинчи бөлүктө калыстар Акжолду партерге коюп, андан казак балбаны 2 упай иштеп кетти. Муну менен казак балбаны 3:1 эсебинде жеңишке жетти.

Эми Демеу Жадраев финалга чыга турган болсо Акжол Махмудов коло байге үчүн күрөшүүгө мүмкүнчүлүк алат.