Ысык-Көлдө жүргөн пакистандык милиция кызматкерлерине ыраазычылык билдирди (видео)

Ысык-Көлдө эс алып жүргөн Пакистандын жараны облустук милиция кызматкерлеринин жардамына ыраазычылыгын айтты.

Ысык-Көл ОИИБинен билдиргендей, Бостери айылындагы пансионаттардын биринде достору менен эс алып жүргөн Пакистандын жараны Хасиат Салар iPhone үлгүсүндөгү телефонун жоготуп алган. Ал эки күн бою өз алдынча издеп таппагандыктан милицияга кайрылган.

Издөө иштерине киришкен милиция кызматкерлери видеокөзөмөлдөрдүн жардамы менен кыска убакыттын ичинде таап беришкен.