"Кош медалың куттуу болсун, кыргыздар". Казак акыны кыргыз спортчуларына ыр арнады (видео)

Казак акыны Кыргызстандын Олимп оюндарына катышып жаткан спортчуларына ыр арнады.

Бек Шымат аттуу акын социалдык тармактагы баракчасына домбра менен ырдаганын бөлүшүп: "Бир күндө эки медаль алган кыргыз туугандарыбызды куттуктайбыз", - деп жазды.

Ал ырында алдыда мелдешке чыга турган кыргыз спортчулар алтын алып, жогорку сыйга татышын тиледи.

"Кош медалың куттуу болсун, кыргыздар,

Мээрим менен Жоламандай уул-кыздар.

Бири коло, бири күмүш алып келди,

Аброюңду зоболоткон жылдыздар",

- деп ырдады казак акыны.