"4 миң 200 доллар". Түштүк Кореяда иштеген кыргыз жарандары бир жолку төлөмдөрдү алышууда

Түштүк Кореяда расмий түрдө иштеп, эмгек акыларынан төгүмдөрү жүргүзгөн кыргыз жарандары Кыргызстанга келгенден кийин бир жолку төлөмдөрдү алышууда. Бул тууралуу бүгүн, 7-августта Социалдык фонддон билдиришти.

Жалпысынан бүгүнкү күндө Кореянын Улуттук пенсиялык кызматынан пенсиялык топтоолордун бир жолку төлөмдөрүн алуу үчүн кайрылгандардын саны 95 адамды түздү. Алардан 80 адам каралып, бир жолку төлөм төлөндү, 15 адам чечимди күтүүдө.

Бир жолку төлөмдөрдүн орточо өлчөмү 4 миң 200 долларды түздү.