Париж-2024. Мунарбек Сейитбек уулунун беттешке чыга турган убактысы белгилүү болду

Парижде өтүп жаткан Олимп оюндарында Мунарбек Сейитбек уулу эртең 8-августта жарым финалдык беттешин өткөрөт.

Маалымдалгандай, бокс 9-августка караган түнү Бишкек убактысы боюнча саат 01:30да орун алат.

Белгилей кетсек, бокс боюнча 57 килограммга чейинки салмакта катышкан Мунарбек Сейитбек уулу алгачкы жүрүшүн 1/8 финалда баштаган. Анда кубалык Орта Родригез менен беттешип, 3:2 эсебинде атаандашын жеңип, чейрек финалга чыккан.

Чейрек финалда кыргыз мушкери 2021-жылы дүйнө чемпиону болгон америкалык Жамал Харви менен беттешип, аны дагы 3:2 эсебинде жеңди.