Париж-2024: Дагы бир атактуу балбан карьерасын жыйынтыктады

Коңшу өзбекстандык атактуу балбан Рустам Ассакалов Париждеги Олимпиада оюндарынан кийин карьерасын жыйынтыктады.

Ал кечээ, 7-августта 97 килограмм салмакта коло байге үчүн кубалык Габриэл Росильо менен кез келип, 2:0 эсебинде жеңилип калды. Жеңилүүсүнөн кийин эле Рустам Ассакалов килемдин үстүнө спорттук бут кийимин чечип, күрөштөгү карьерасы бүткөнүн жарыялады.

40 жаштагы Рустам Ассакалов 2015-жылы Лас-Вегаста өткөн Дүйнө чемпиондугунда күмүш, 2019-жылы Астанада өткөн Дүйнө чемпиондугунда коло байге уткан. Ал ошондой эле Азиянын 4, Азия оюндарынын 1 жолку жеңүүчүсү.

Буга чейин ушул эле Париж Олимпиадасында кубалык атактуу балбан Михаин Лопес дагы карьерасын жыйынтыктаган. Ал Парижде 5-алтын медалын катары менен утту. Мындай көрсөткүч күрөш боюнча тарыхта боло элек.