Париж-2024: Мунарбек Сейитбек уулу финалга чыкты

Париж шаарында өтүп жаткан Жайкы Олимпиада оюндарында кыргыз мушкери Мунарбек Сейитбек уулу бокстан жарым финалдык беттеште болгариялык Хавьер Ибаньес Диясты 4:1 эсеби менен утуп, финалга чыкты.

Эми ал финалда өзбекстандык мушкер Абдумалик Халоков менен беттешет.

Финалдык беттеш 11-августта өтөт.

Белгилей кетсек, бокс боюнча 57 килограммга чейинки салмакта катышкан Мунарбек Сейитбек уулу алгачкы жүрүшүн 1/8 финалда баштаган. Анда кубалык Орта Родригез менен беттешип, 3:2 эсебинде атаандашын жеңип, чейрек финалга чыккан.

Чейрек финалда кыргыз мушкери 2021-жылы дүйнө чемпиону болгон америкалык Жамал Харви менен беттешип, аны дагы 3:2 эсебинде жеңген.

Муну менен Мунарбек Сейитбек уулу Олимп оюндарынын финалына чыккан алгачкы кыргыз мушкери болуп калды.