"Кыйынчылыктар болду..." Акжол Махмудов Париждеги жеңишинен кийин билдирүү жасады

Парижде өтүп жаткан Жайкы Олимпиада оюндарынан коло байге уткан Акжол Махмудов жеңишинен кийин журналисттерге кыска маек берди. Ал кийинки Олимпиадада алтын аларына үмүттөнөрүн айтты.

"Чынын айтсам, азырынча анализ жасагым келбей турат. Турнир бүткөндө Кыргызстанга барганда машыктыруучулар менен сүйлөшөбүз. Тоскоолдуктар болду, бирок майда-чүйдөсүнө чейин эч нерсе айтпай турайын. Бул спорт. Кээде жеңилүү, кээде жеңиш болот. Бүгүнкү күндө эмнеге ээ болсом, ошого ыраазымын", - деди кыргыз балбаны.

Белгилей кетсек, 7-августта Париж Олимпидасынын коло байгеси үчүн болгон беттеште Акжол Махмудов азербайжандык Санан Сулейманов менен күрөшкөн. Анда Акжол атаандашын 6:5 эсебинде жеңип, коло байге утту.