Париж Олимпиадасында күрөшкөн балбан кармалды

Париж Олимпиасында күрөшкөн египеттик балбан Париждин көчөлөрүнүн биринде полиция тарабынан кармалды. Бул тууралуу чет элдик басылмалар жазышты.

Маалыматка ылайык, ал түнкү саат 03:00 чамасында Париждеги барлардын биринде мас абалында чыгып, көчөдө өтүп бара жаткан кызды жамбашка чапкан. Кыз полицияга кайрылып, полиция балбанды мас абалында жүргөн жеринен кармаган.

Париждин прокуратурасы "сексуалдык ыдык" фактысы боюнча иликтөө баштады. Олимпиадада күрөшкөн балбан учурда камакта.

Египеттик кайсы балбан кармалганы так айтылган жок.

Бул Париждеги Олимпиада учурундагы сексуалдык зомбулук боюнча биринчи арыз эмес. 31-июлда хорватиялык дзюдочу Барбара Матичтин атасы Олимпиада оюндарынын ыктыярчысына сексуалдык ыдык көрсөткөн деп айыпталып, полициянын тергөө абагына камалган.