Борбор Азия мамлекеттеринин башчылары бир катар документтерге кол койду

Өлкө башчы Садыр Жапаров бүгүн, 9-августта Астанада Борбор Азия мамлекеттеринин башчыларынын алтынчы консультативдик жолугушуусуна катышты. Иш-чара Казакстандын президенти Касым-Жомарт Токаевдин төрагалыгы алдында өттү.

Жолугушуунун жыйынтыгында Борбор Азия өлкөлөрүнүн лидерлери төмөнкү документтерге кол коюп, кабыл алышты:

1. Борбор Азия мамлекеттеринин башчыларынын алтынчы консультативдик жолугушуусунун жыйынтыгы боюнча Борбор Азия мамлекет башчыларынын биргелешкен билдирүүсү.

2. “Борбор Азия-2040” аймактык кызматташтыкты өнүктүрүү концепциясы.

3. 2025-2027-жылдарга аймактык кызматташтыкты өнүктүрүүнүн жол картасы.

4. "Өзбекстандын президенти Шавкат Мирзиёевди Борбор Азия мамлекеттеринин башчыларынын Ардак белгиси менен сыйлоо жөнүндө" Борбор Азия мамлекеттеринин башчыларынын алтынчы консультативдик жолугушуусунун чечими.