Париж-2024: Айсулуу менен Айперинин атаандаштары белгилүү болду

Бүгүн, 10-августта Париждеги Олимп оюндарынын алкагында кыз- келиндер арасында күрөштө Айсулуу Тыныбекова коло медаль үчүн, Айпери Медет кызы жарым финалда күч сынашат.

Белгилүү болгондой
кыргыз балбан айымы Айсулуу монголиялык балбан кыз Орхон Пуревдорж менен беттешет.

Ал 62 килограмм салмакта 1/8 финалда эки жолку Африканын чемпиону болгон нигериялык Эстер Колаволе аттуу 22 жаштагы балбан кыз менен кез келген. Аны 5:1 эсебинде уткан.

Ал эми чейрек финалда америкалык Кайл Миракл менен кез келип, беттеш 6:6 эсепте Айсулуунун жеңиши менен жыйынтыкталган.

Жарым финалда Айсулуу Тыныбекова үчүн жемишсиз болуп, украиналык Ирина Коляденко аттуу балбанга жеңилип калган.

Ал эми Айпери Медет кызы америкалык Кеннеди Блейдс менен жарым финалда беттешет.

Кечки беттештер Бишкек убактысы боюнча саат 22:15де башталат.