Кыргыз өкмөтү Айсулуу менен мушкер Мунарбекке канча сый акы берет?

Кыргыз балбан айымы Айсулуу Тыныбекова Парижде өткөн Олимп оюндарында коло медалды күрөштүн акыркы мүнөттөрүндө сууруп алып, жеңишке жетти. Ал эркин күрөш боюнча турнирге 62 килограммга чейинки салмак ченинде катышкан.

Ал эми Кыргызстандын бокс тармагында тарых жараткан Мунарбек Сейитбек уулу Олимп оюндарында 2-орунду камсыздады. Эми ал күмүш медаль менен мекенге кайтат.

Министрлер кабинети Парижден алтын алгандарга 10 миллион, күмүшчүгө 7 миллион, ал эми коло медаль уткан спортчуларга 5 миллион сомдон берүүнү убадалаган.

Эми Париж Олимпиадасында кыз-келиндер күрөшүндө коло уткан Айсулуу Тыныбекова 5 миллион, кыргыз мушкери Мунарбек Сейитбек уулу 7 миллион сомдон сый акы алышат.