"Эң жашы 4тө болчу". Таш-Көмүрдө өрттүн кесепетинен бир үй-бүлөдөн 4 адам каза болду

Кечээ, 11-августта Жалал-Абад облусунун Таш-Көмүр шаарындагы турак үйдөн чыккан өрттөн 4 адам каза болду. Бул тууралуу Өзгөчө кырдаалдар министрлигинен кабарлады.

Маалыматка ылайык, шаардын Панфилов көчөсүндө жайгашкан турак үйгө Таш-Көмүр шаардык ӨКБдан 2 күжүрмөн эсеп, №6 Өзүнчө мобилдештирилген тоо-кен куткаруу взводунан 4 куткаруучу тартылган.

"Тилсиз жоо саат 17:39да курчоого алынды. Өрттүн кесепетинен бир үй-бүлөнүн 4 мүчөсү: 1961-жылы туулган Н.М., 2011-жылы туулган А.Б., 2014-жылы туулган А.Э. жана 2018-жылы туулган А.А. каза болду", - деп жазылат анда.

Аталган жарандардын жансыз денеси куткаруучулар тарабынан чыгарылып, Таш-Көмүр ШИИБине өткөрүлүп берилди.