13-декабрь күнү Ош облусунда күчү 4,5 баллга жеткен жер титирөө катталды

13-декабрь күнү эртең мененки 09:52де Ош облусунда күчү 4,5 баллга жеткен жер титирөө катталды. Бул тууралуу ӨКМнын басма сөз кызматы билдирди. Жер титирөөнүн очогу Салам-Алик айылынын түндүгүнөн 2 чакырым, Өзгөн шаарынын түндүк-чыгыш жагынан 30 чакырым, Жалал-Абад шаарынын түштүк-чыгыш жагынан 55 чакырым алыстыкта болду. Алдын ала берилген маалыматтарга ылайык, жабыркагандар жана кыйроолор болгон жок.