Жаңы сатып алынган учактар ички каттамга качан чыгары белгилүү болду

Мамлекеттик "Asman Airlines" авиакомпаниясы 27-сентябрдан тарта аймактар ортосундагы каттамдарды аткара баштайт. Бул тууралуу президенттин администрациясынын маалыматтык саясат кызматынын жетекчиси Дайырбек Орунбеков Facebook баракчасына жазды.

Маалыматка ылайык, канадалык компаниядан сатып алынган Dash-8-400 учактары Талас, Нарын, Каракол жана башка шаарларга учуп баштайт.

"Билеттин баасы жеке компанияларга караганда арзан болот, авиакомпанияларга атаандаштык жаралат. Атаандаштык – сапатка таасир этет, кызмат көрсөтүү жакшырат. Билеттин баасы 2000 сомдон башталат", - деп жазды Орунбеков.

Белгилей кетсек, былтыр сентябрь айында "Манас" эл аралык аэропорту алгачкы жолу өз каражатына Dash-8-400 үлгүсүндөгү эки учак сатып алган.

Аэропорттун директору Манасбек Самидинов жаңы учактар ички каттамдарга сентябрь айынан тарта чыга баштарын, аба каттамдар үзгүлтүксүз болуп, билеттер арзандарын айткан.