Премьер-министр: "Кумтөрдү" улутташтырууга барсак, 3 миллиард доллар компенсация төлөп беришибиз керек"

Парламентте бүгүн, 26-декабрда "Кумтөр" маселеси каралууда. Депутаттар кыргыз өкмөтү менен канадалык "Центерра Голд.Инк" компаниясынын акцияларды  50х50 пайыздык үлүш менен бөлүшүп, биргелешип иш алып баруу тууралуу даярдалган долбоорду талкуулашууда. 

Анда премьер-министр Жантөрө Сатыбалдиев “Кумтөрдү” улутташтырууда 3 миллиард доллар компенсация төлөө керек” деп билдирди. 

Анын айтымында, аталган кенди улутташтыруу процесси өтө татаал. “Кыргызстан демократиялык өлкө жана өкмөт “Кумтөрдүн” айланасындагы окуялардын өнүгүшүн карабайт. Улутташтыруу үчүн өлкөгө 3-5 жыл керек болот. Аны менен катар компенсация төлөп беришибиз керек”,- деди Жантөрө Сатыбалдиев.