КФБнын биринчи вице-президенти өспүрүмдөр курамасы менен жолугушту 

Кыргыз футбол биримдигинин биринчи вице-президенти Нурдин Букуев Кыргызстандын U-17 өспүрүмдөр курамасынын оюнчулары жана машыктыруучулар штабынын өкүлдөрү меген жолукту.

КФБдан билдиргендей, ал команда катыша турган Борбор Азиянын футбол ассоциациясынын өспүрүмдөр курамалары арасындагы эл аралык мелдешинде (CAFA U-17 Championship) оюнчуларга ийгилик каалады.

Эске салсак, Кыргызстандын курама командасынын катышуусундагы бул мелдеш 17-августта Тажикстандын Дүйшөнбү шаарында старт алат. Ага Кыргызстандан сырткары Иран, Ооганстан, Тажикстан, Түркмөнстан жана Өзбекстан курамалары катышат.

Бул турнир Игорь Никитиндин оюнчулары үчүн октябрь айында өтө турган Азия Кубогунун тандап алуу оюндарына даярдык болуп саналат.