Өлкөдө 1-сентябрдан жаңы 27 мектеп жана 13 бала бакча ишке берилет

Архитектура, курулуш жана турак-жай-коммуналдык чарба мамлекеттик агенттиги 1-сентябрга карата 27 мектепти жана 13 бала бакчаны пайдаланууга берүүнү пландоодо. Бул туурасында бүгүн, 15-августта билим берүү министрлигинин маалымат кызматы билдирди.

Маалымдалгандай, быйыл республикалык бюджеттин негизги капиталына 431 билим берүү объекти киргизилген. Каржылоого 1 миллиард 439 миллион сомдон ашуун каражат каралган.

Ал төмөнкүдөй бөлүнгөн:

• 149 мектептин курулушуна - 844,4 миллион сом;
• 87 мектептин долбоордук-сметалык документтерин даярдоого - 21,2 миллион сом;
• 78 мектепти капиталдык оңдоого - 226,1 миллион сом;
• 63 бала бакча курууга - 306 миллион сом;
• 42 бала бакчанын долбоордук-сметалык документтерин даярдоого - 11,8 миллион сом;
• 12 бала бакчаны капиталдык оңдоого - 30 миллион сом.

Биринчи жарым жылдыкта 14 мектеп жана 3 бала бакча ачылып, 7 мектеп жана бала бакча капиталдык оңдоп-түзөөдөн өткөрүлгөндүгү маалыматта кошумчаланган.