Кыргызстан самбо боюнча Дүйнө кубогунун биринчи күнү 5 медаль утту

Чолпон-Ата шаарында өтүп жаткан самбо боюнча Дүйнө кубогунун биринчи күнү Кыргызстандын улуттук курама командасы 1 күмүш, 4 коло медаль утуп алды. Бул туурасында бүгүн, 16-августта Дене тарбия жана спорт департаментинен билдирди.

Маалымдалгандай, 64 килограммга чейинки салмакта Саяк Бараканов күжүрмөн самбо боюнча 2-орунду ээледи.

Спорттук самбо боюнча 88 килограммга чейинки салмакта Жамалбек Асылбек уулу жана Фарух Мамаджанов, +98 килограммга чейинки салмак категориясында Бекболот Токтогонов коло медалга ээ болушту.

Кыз-келиндер арасында 54 килограммга чейинки салмакта спорттук самбо боюнча Акак Үсөн кызы 3-орунду ээледи.

Белгилей кетсек, бүгүн, 16-августта спорттук самбо боюнча эркектер арасында 64, 79, 98 килограммга чейинки салмакта, күжүрмөн самбо боюнча 58, 71, 88, +98 килограммга чейинки салмак категориясында спортчулар килемге чыгат.

Кыз-келиндер арасында спорттук самбо боюнча 50 жана 80 килограммга чейинки салмакта, күжүрмөн самбо боюнча 54, 59, 65, 72, 80 килограммга чейинки салмакта беттештер өтөт.