Белгилүү актёр Ален Делон 88 жашында көз жумду

Дүйнөгө атагы чыккан актёр Ален Делон кечээ, 18-августта 88 жаш курагында көз жумду. Бул тууралуу чет элдик басылмалар актёрдун балдарына таянып жазып чыгышты.

Француз актёру, режиссёр, продюсер жана сценарист Ален Делон 1935-жылы Франциянын Париж шаарында төрөлгөн.

Делон 1957-жылы "Когда вмешивается женщина" тасмасында роль жаратып, актёрлук карьерасын баштаган. Актёрго "На ярком солнце", "Рокко и его братья", "Леопард" кинолорундагы ролдору атактуулук алып келген. "Леопард" тасмасындагы ролу үчүн "Алтын глобус" сыйлыгына көрсөтүлсө, "Наша история" фильминдеги ролу үчүн "Сезар" сыйлыгына ээ болгон.

Ален Делон инсултка кабылып, Альцгеймер оорусу менен да жабыркаган.

Ал өзү жашаган үйдө көз жумду.