Кыргызстандын башкы юристи “Кумтөр” маселеси каралган парламенттик жыйынга келген жок

Парламентте бүгүн, 26-декабрда "Кумтөр" маселеси каралууда. Депутаттар кыргыз өкмөтү менен канадалык "Центерра Голд.Инк" компаниясынын акцияларды 50х50 пайыздык үлүш менен бөлүшүп, биргелешип иш алып баруу тууралуу даярдалган долбоорду талкуулашууда.

Кыргыз Республикасынын Юстиция министри Алмамбет Шыкмаматов “Кумтөр” маселеси каралган Жогорку Кеңештин жыйынына келген жок.

Жыйында депутаттар “Кумтөр” долбоору тууралуу даярдалган макулдашуудагы реструктризациялоо шарттарына кызыгышты. Премьер-министр башкы юристтин жыйында жоктугуна байланыштуу суроого өкмөттүн башка мүчөлөрү жооп берерин айтты.

Жогорку Кеңештин токтомдорунун аткарылышынын жүрүшү тууралуу КР Өкмөтүнүн маалыматы угулууда.

- 2013-жылдын 21-февралындагы № 2805-V “Жаратылыш ресурстарын сарамжалдуу пайдалануу, курчап турган чөйрөнү коргоо, өндүрүш процесстеринин коопсуздугу жана калкты социалдык коргоо боюнча нормаларды жана талаптарды “Кумтөр Оперейтинг Компани” ЖАКынын сактоосун текшерүү жана иликтөө боюнча мамлекеттик комиссиянын ишинин жыйынтыктары жөнүндө”;

- 2013-жылдын 5-июнундагы № 3169-V “2013-жылдын 21-февралындагы № 2805-V “Жаратылыш ресурстарын сарамжалдуу пайдалануу, курчап турган чөйрөнү коргоо, өндүрүш процесстеринин коопсуздугу жана калкты социалдык коргоо боюнча нормаларды жана талаптарды “Кумтөр Оперейтинг Компани” ЖАКынын сактоосун текшерүү жана иликтөө боюнча мамлекеттик комиссиянын ишинин жыйынтыктары жөнүндө” Кыргыз Республикасынын Жогорку Кеңешинин токтомунун аткарылышынын жүрүшү тууралуу”;

- 2013-жылдын 23-октябрындагы № 3508-V “Кыргыз Республикасынын Жогорку Кеңешинин 2013-жылдын 21-февралындагы № 2805-V “Жаратылыш ресурстарын сарамжалдуу пайдалануу, курчап турган чөйрөнү коргоо, өндүрүш процесстеринин коопсуздугу жана калкты социалдык коргоо боюнча нормаларды жана талаптарды “Кумтөр Оперейтинг Компани” ЖАКынын сактоосун текшерүү жана иликтөө боюнча мамлекеттик комиссиянын ишинин жыйынтыктары жөнүндө”;