Рамзан Кадыров ага Илон Маск белек бергенин айтып, аны көрсөттү (видео)

Чеченстандын башчысы Рамзан Кадыров ага америкалык миллиардер Илон Маск жаңы Tesla Cybertruck бергенин айтып, аны айдап көрсөттү.

"Биз урматтуу Илон Масктан Tesla Cybertruck унаасын алдык. Мен жаңы технологияны сынап көргөнүмө кубанычтамын жана анын "Кибер жырткыч" деп аталып калышы бекеринен эмес экенине жеке өзүм ынандым. Чыныгы кол тийбес жана тез "жаныбар". Эң сонун ылдамдыкты өнүктүрө турган жана тоскоолдуктарды жеңүүчү маневрдүү унаа. Абдан ыңгайлуу унаа", - деп бөлүштү Чеченстандын башчысы өзүнүн телеграм каналында.

Ал бул унаа аскердик операция өтүп жаткан аймакка жиберилерин кошумчалады.

Cybertruck — Тесланын төрт жылдан берки биринчи жаңы модели. Компаниянын негиздөөчүсү Илон Маск унаа 96 чакырым/саат ылдамдыкка 2,9 секундда жете аларын айткан. Ошондой эле бир заряды менен 1 жарым тоннадан ашык жүк жүктөп алып, 800 чакырымга чейин жүрө алат.