Мушкер Мунарбек Сейитбек уулу Беганас Султанбаев 20 жыл бою акысыз машыктырып келгенин айтты

Париж Олимпиадасында күмүш байге алган кыргыз мушкери Мунарбек Сейитбек уулу жергиликтүү Ютуб каналдардын бирине берген маегинде машыктыруучусу 20 жылдан бери боксту акысыз үйрөтүп келгенин айтты.

"Беганас Султанбаев агайым 20 жылдан бери мени акысыз машыктырып келди. Башында эмгеги үчүн деп бир аз акча берчүмүн. Кийин бербесем деле керек, акысыз эле машыктырчу.

Үйдөгүлөр да каражат жагынан жардам беришчү. Өзүм да кээде таксист болуп иштейт элем. Мындан тышкары бул жакта көрсөткөн жыйынтыктарым үчүн стипендия алчумун", - деди мушкер.

Ошондой эле ал буга чейин анда туруктуу демөөрчү болбогонун, бирок жардамга кол сунган адамдар бар экенин кошумчалады.

Мушкер бокс менен алектенүүнү 8 жашында баштаган. Боксту жакшы көргөндүктөн жана тынымсыз машыгуунун аркасынан бул ийгиликке жеткенин билдирген.