Курск шаары үчүн салгылашта орусиялык актёр каза болду

Орус актёру Евгений Шишов 42 жашында Курск облусун коргоодо каза болду. Бул тууралуу kino-teatr.ru порталы жазып чыкты.

"Ал Курск облусунда Орусиянын аймагын коргоп жатып каза болду", - деп жазды аталган сайт.

Актёрдун каза болгон күнү так көрсөтүлгөн эмес, болгону август айында гана каза болгону жазылган. Анын өлүмүн кесиптештери дагы тастыкташкан.

Маркум актёрдун социалдык тармактардагы баракчасында акыркы билдирүүсү 31-июлда жазылган.

Евгений Шишов 1982-жылы туулган. "Деңиз шайтандары", "Керемет бештик", "Невский" жана башка долбоорлорго катышуусу менен белгилүү. Акыркысы 2023-жылы чыккан "Саат өткөн сайын" сериалындагы ролу болгон.