Яхта кырсыгынан кийин дайынсыз жоголгон британиялык миллионердин сөөгү табылды

Британиялык мультимиллионердин сөөгү Сицилиянын жээгинде чөгүп кеткен яхтанын ичинен табылды. Бул тууралуу чет элдик басылмалар жазышты.

Андагы маалыматка ылайык, куткаруучулар британиялык ишкер Майкл Линч менен анын кызынын сөөгүн Италиянын жээгинде чөгүп кеткен яхтанын ичинен табышканы такталды. Суучулдар 49 метр тереңдикте жаткан яхтадан төрт адамдын сөөгүн алып чыгууга үлгүрүшкөн, алардын арасында Линч жана анын кызы да бар. Дагы эки жүргүнчү дайынсыз болууда.

Чөгүп кеткен яхтада бардыгы болуп 22 адам, анын ичинде Улуу Британия, АКШ жана Канаданын жарандары болгон. 15 адам куткарылды. Алардын тогузу экипаждын мүчөлөрү.

Эске салсак, кечээ, 21-августта 59 жаштагы британиялык ишкер Майкл Линч Сицилиянын жээгинде яхта кырсыгынан кийин дайынсыз жоголгон.