Волгограддагы колонияны басып алгандар кимдер экени белгилүү болду

Волгограддагы №19 колонияны басып алып, андагы кызматкерлерди барымтага алгандар өзбекстандык жана тажикстандык жарандар. Бул тууралуу BAZA телеграм каналы жазды.

Азырынча колонияны басып алгандардын төртөө белгилүү болду. Алар: Темур Хусаинов (Өзбекстан), Рамзидин Тошев, Назирчон Тошов, Рустамчон Наврузи (Тажикстан).

Өзбекстандык Темур Хусаинов 2018-жылы Волгоградда өтүп бара жаткан адам менен мушташа кетип, аны өлтүрө сабап салганы үчүн кармалган. Калган үч жаран баңгизатын ташыганы үчүн камакка алынган.

Учурда колонияга штурм башталды. Алдын ала маалымат боюнча террорчулардын биринин ийинине ок тийип жарадар болду.