Бишкек мэриясы Сауд Арабиянын делегациясы менен жолугушту 

Бишкек мэри Айбек Жунушалиев Сауд Арабиядан келген делегацияны кабыл алды. Бул тууралуу кечээ, 27-августта муниципалитеттен билдиришти.

Маалым болгондой, калаа башчысы Сауд Арабия Королдугунун Инвестициялар министрлигинин Азия департаментинин директору Фейсал Ба Абдулланы жана делегация мүчөлөрүнө иш сапары үчүн ыраазычылыгын билдирди.

Жолугушууга Кыргызстандын Сауд Арабиядагы элчиси Улукбек Марипов жана мэрдин орун басары Рамиз Алиев катышты.

Жолугушууда тараптар ар кандай маселелер боюнча эки тараптуу кызматташууну талкуулашты.

Ага ылайык, мэр Бишкек шаарынын мэриясы негизги тармактарда инвестициялык долбоорлорду ишке ашыруу үчүн кызматташууга даяр экенин белгиледи.

Өз кезегинде Файсала Ба Абдулла мырза Бишкек шаарынын жетекчилигине жылуу жана меймандос кабыл алгандыгы үчүн ыраазычылык билдирди.

Жолугушуунун соңунда тараптар баарлашуу үчүн ыраазычылык билдирип, мындан ары өз ара да кызматташып турарын белгилешти.