Орусия Париждеги Паралимпиада оюндарына бойкот жарыялады

Орусиянын Паралимпиадалык комитетинин башчысы Павел Рожков "VseProSport" басылмасына Орусия Париждеги Паралимпиадалык оюндардын ачылыш аземине катышуудан баш тартуу чечимин кабыл алганын билдирди.

Паралимпиада оюндары бүгүн, 28-августта башталып, 8-сентябрга чейин уланат. Бул оюндарга жалпы 90 орусиялык спортчу катышып жатат, алар бейтарап статуста мелдештерге катышат.

"Бизди ачылыш аземге көрүүчү катары катышууга чакырышты. Бирок биз баш тартууну чечтик, анткени анын мааниси жок. Процедура узак жана татаал, ал эми кээ бир спортчулар үчүн мелдеш эртеси эле башталат. Бардыгы нормалдуу болгондо да ушул себептерден улам ачылыш аземине бардык спортчулар катышмак эмес. Жабылыш аземине келсек, катышабызбы же жокпу азырынча чече элекпиз. Кырдаал кандай өнүгүп кетерин көрөбүз”, - деген Рожков.