Париж-2024: Түштүк Кореянын спортчулары менен сүрөткө түшкөн Түндүк кореялык спортчулар жазаланышы мүмкүн 

Түндүк Кореядан келген спортчулар Париж шаарында өткөн Олимпаида оюнунда Түштүк Кореянын спортчулары менен сүрөткө түшкөнү үчүн жазага тартылышы мүмкүн. Бул тууралуу чет элдик басылмалар жазышты.

Анда Ким Кум Янг менен Ли Жонг Сик Париж Олимпиадасында стол тенниси боюнча мелдешке катышып, күмүш медалга ээ болушкан. Спортчуларды бийлик өкүлдөрү сыйлык тапшыруу учурунда атаандаштары менен жылмайып түшкөн сүрөтү үчүн айыпташты.

Ошондой эле теннисчилер өлкөгө кайтып келгенде бир катар текшерүүлөрдөн өтүшкөн.

Учурда Түндүк Кореяда Олимпаида маалында спортчулар башка өлкөнүн өкүлдөрү менен өзүн кандай алып жүргөнү каралууда. Эгер текшерүүдө спортчулар бийликтин көрсөтмөсүн бузган деп чечилсе, алар жазага тартылат. Азырынча кандай жазага тартылары белгисиз.