"Касым, Жомарт, Кемел". Казакстандык аял 7 кыздан кийин 3 эм төрөдү

Коңшу Казакстандын Келес районунун Абай айылынын 33 жаштагы тургуну үч эм төрөдү. Анын буга чейин 7 кызы бар болчу. Балдарга Касым, Жомарт, ал эми кызга Кемел деген ысым коюлганын Түркстан облусунун акимчилиги билдирди.

Гүлназ Хожабекова мөөнөтүнөн мурда – кош бойлуулуктун 33-жумасында төрөгөн. Кээ бир каршы көрсөтмөлөрдөн улам аялга операция жасоого туура келген. Үй-бүлө башчысы Бахыт Мыңжасар курулушта иштейт, жубайы үй кожойкеси. Ымыркайларга ысымдарды апасы өзү койгон. Төрөлгөндө алардын салмагы 2 килограмм болгон.

"Балдарга президентибиздей болсун деген ойдо Касым, Жомарт, Кемел деген ысымдарды койдук. Мен бактылуумун", - деген үч эмдин энеси.