Бишкек мэриясы Эгемендүүлүк күнүндө шаардыктарга сураныч менен кайрылды

Бишкек мэриясы Эгемендүүлүк күнү шаардыктардын ыңгайлуулугу үчүн жеке унаанын ордуна коомдук транспорт колдонууга чакырат.

Мэриянын басма сөз кызматы бул аракеттер жол тыгынын болтурбоо үчүн болуп жаткандыгын кошумчалады.

Айта кетсек, 31-августта борбордук “Ала-Тоо” аянтында Эгемендүүлүктүн 33 жылдыгына жана Кара-Кыргыз автономиялуу облусунун түзүлгөндүгүнүн 100 жылдыгына карата бир нече майрамдык иш-чаралар өткөрүлөт.

Мындан тышкары мыйзамсыз соода-саттык жүргүзүүгө, спирт ичимдиктерин сатууга жана ичүүгө айрым жерлерде тыюу салынат. Ошондой эле айрым көчөлөрдө унаалардын жүрүшүнө чектөө киргизилет.