Дагестандык балбан Азербайжан президентинен кечирим сурады

Күрөш боюнча Азербайжан курама командасынын дагестандык балбаны Магомедхан Магомедов орусиялык маалымат каражаттарына берген маегинде айрым сөздөрү үчүн президент Ильхам Алиевден жана Азербайжан элинен кечирим сурады. Бул тууралуу Азербайжандын жергиликтүү басылмалары жазышты.

Ал Олимпиададан кайтып келгенден кийин Азербайжандын президенти 3-даражадагы "Мекенге кызмат кылгандыгы үчүн" ордени менен сыйлаган.

"Мен Азербайжандын атынан 2022-жылдан бери мелдештерге катышып келем. Азербайжандын президентине, Азербайжан күрөш федерациясынын жетекчилигине жана мага ушундай мүмкүнчүлүктү түзүүгө салым кошкондордун баарына ыраазычылык билдиргим келет. Мен Азербайжанды сүйөм жана бул өлкөнүн атынан чыкканыма сыймыктанам. Мен Азербайжандын желеги астында Европа чемпиону, Дүйнөлүк чемпиондугу жана Олимпиада оюндарынын медаль ээси болдум. Орус басылмаларынын бирине берген маегимди чечмелөө түшүнбөстүк. Азербайжан президенти тарабынан мага тапшырылган орден мен үчүн абдан баалуу. Болгон окуяга байланыштуу мен Азербайжан президентинен жана бүткүл азербайжан элинен кечирим сурайм", - деген Магомедов.

Магомедхан Магомедов Париждеги Жайкы Олимпиада оюндарында 97 килограмм салмакта коло медаль уткан.