Аскат Жетигендин апелляциялык арызын кароо 19-сентябрга жылды

Акын жана активист Аскат Жетигендин апелляциялык арызын кароо 19-сентябрга жылдырылды. Бул тууралуу Бишкек шаардык сотунун басма сөз кызматы кабарлады.

Белгилей кетсек, 1-июлда Свердлов райондук соту Аскат Жетиген “Бийликти басып алууга чакырык жасоо” беренеси менен күнөөлүү деп табылып, 3 жылга эркиндигинен ажыраткан. Ал эми “Массалык башаламандыктарга чакыруу” беренеси боюнча сот активистти актаган.

Аскат Жетиген сотто өзүнө коюлуп жаткан айыптарга макул эместигин айткан.

Эскерте кетсек, Аскат Жетиген 20-мартта кармалып, Бишкектеги №1 тергөө абагына камакка алынган. Ал “Массалык башаламандыктар” жана “Бийликти басып алууга чакырык жасоо” беренелери боюнча айыпталган.

Ага чейин акын 15-мартта кайрылуу жасап, бийликти сөгүп билдирүү жарыялаган. УКМК тарабынан 16-мартта кармалып, 48 саатка камакка алынган. 18-мартта Биринчи май райондук соту аны эч жакка чыкпоо тил каты менен бошоткон.