Баткенде милицияга кол салган жаран кармалды

Баткен районунун Кара-Бак айылында милиция кызматкерине кол салган жаран кармалды. Бул туурасында бүгүн, 2-августта Баткен ОИИБинин басма сөз кызматы билдирди.

Маалымдалгандай, окуя 1-сентябрь күнү түнкү саат 03.55тер чамасында катталган. Анда Кара-Бак айылында автобейбаштык жасап, элдин тынчын алган жаранга милиция кызматкери барып, түшүндүрүү иштерин жүргүзгөн. Бирок ал милиция кызматкеринин мыйзамдуу талаптарына баш ийбей, ага кол салган.

Бул факт боюнча Кылмыш-жаза кодексинин 374-беренеси (Бийлик өкүлүн коркутуу же ага карата зомбулук) менен кылмыш иши козголуп, аталган айылдын 25 жаштагы А.З. аттуу тургуну кармалган.

Кармалган жаран окуя болгон учурда мас абалда болгон. Учурда тергөө иштери уланып жатат.