Париждеги Паралимпиадага барган спортчу дайынсыз жоголду

Парижде Паралимпиада оюндары башталар алдында Руандадан келген спортчу дайынсыз жоголду. Бул тууралуу чет элдик басылмалар жазды.

Маалыматка ылайык, ал 27-августтагы Паралимпиаданын ачылыш аземине катышышы керек болчу, бирок иш-чарага жети күн калганда дайынсыз жоголгон. 20-августта кечки саат 19:00 чамасында волейболчу Париждин аймагындагы делегациясы турган лагерден ресторанга баруу үчүн чыгып кеткен. Ошондон бери аны табуу мүмкүн болбой жатат.

Спортчунун аты-жөнү так айтылган жок.

Ал Бразилияга каршы оюнга дагы катышмак. Париж-2024 сайтындагы расмий командалардын курамына ылайык, Бразилиянын 18 адамдык курамына салыштырмалуу Руандада 16 оюнчу болгон.